: يعني أطلب منك كوباية شاي تطلعيلي حاړقة نفسك!
يا ماما أن..
زعقت بلا ماما بلا زفت أنا هخلي يونس يشوفله صرفة معاكي بلا قرف
سابتني ودخلت أوضتها بعد ما خلصت زعيق وأنا أخدت بعضي وطلعت شقتي أنا حقيقي مش فاهمة أنا عملت إيه لكل دا! بقى كل دا علشان حړقت إيدي وأنا بعملها الشاي من غير ما آخد بالي!
فقت من تفكيري على صوت الباب انتبهت ل يونس اللي رجع من الشغل بدري فابتسمت وقربت منه..
حمدلله على السلامة
اتنهد الله يسلمك أمي مالها! قالتلي إنك زعلتيها!
باستنكار أنا برضه اللي زعلتها!
اتنهد بتعب طب إيه اللي حصل!

مفيش يا نوح خش غير هدومك وتعالى اتغدى يا حبيبي
مردش ودخل يغير وأنا رحت أجهزله الأكل بعد ما نزلت جبته بغيظ دايما بتقلب كل حاجة لصالحها دايما بتقفلي على الغلطة على الكلمة على النفس بقيت حاسة إنها ضرتي مش حماتي!
سمك تاني!
قليتهولك النهاردة انت بتحب المقلي
اها
قعد على السفرة وأنا حطيتله الأكل وبدأ ياكل وهو سرحان!
يونس
نعم يا سمكة!
كنت.. عايزة أقولك حاجة
انتبه قولي يا حبيبي
بص.. اتنهدت بإرهاق ينفع تكلم مامتك وتخليها تهدى عليا شوية يا يونس! أنا مش فاهمة هي بتعاملني كدا ليه بس أنا بجد تعبت
أنتي عايزاني أعمل إيه يعني!
بصتله بتردد وخدت نفس عميق وأنا عارفة ان اللي هقوله دا ممكن يخليه يتجنن ويفقد أعصابه نوح راجل هادي جدا بس لو اتعصب.. عينك ما تشوف إلا النور!
أنا عايزة أعزل
أفندم!!!
رددت عايزة أعزل مش بقولك هنمشي من البيت وناخد شقة برا زي ما اخواتك عملوا بس مش عايزاها تتدخل في حياتنا يا يونس مش كل كبيرة وصغيرة ألاقيها بقدرة قادر عارفاها مش عايزة أحس إنها بتراقبني مش عايزاها تقفلي على الغلطة وكإنها ضرتي مش حماتي مش عايزة حياتي تبقى كدا
انتي عايزاني أنزل لأمي وأقولها معلش يا أمي مش عايز أشوفك في شقتي فوق تاني ولا عايزك تطلبي من أسماء تخدمك عشان الهانم مش عاجبها الحال!!
متعصب وأنا عذراه شوية بس أنا بقيت كارهة حياتي بجد على طول بتحسسني إنها مش راضية عني ودايما بتعاملني وحش فليه أضغط نفسي وأقبل على نفسي كل دا!
يونس أنا..
وقف وزعق انتي تسكتي خالص وأقسم بالله يا أسماء لو سمعت منك الكلام دا تاني لأكون مرجعك لأبوكي تاني وماتلزمينيش
پصدمة هتطلقني!
أيوا كله إلا أمي فااهمة!!
مردتش فشدني عليه جامد وهزني وهو بيزعق..
فاااهمة!
هزيت راسي جامد فزقني ومشى وأنا فضلت متجمدة مش مستوعبة اللي بيحصل نوح أول مرة يتعصب عليا بالشكل دا أول مرة يزعقلي كدا وأول مرة.. يهددني بالطلاق!
في يونس إيه يا وش النحس انتي! كان بيزعق وصوته عالى ليه
أنا معملتلوش حاجة دا هو..
دا إنتي اللي عملنا الأسود بقى الواد جاي من الشغل تعبان تقومي منكدة عليه! يا شيخة روحي إلهي ما..
زعقت مرة واحدة كفااية حرام عليكي اطلعي برااا براااا
اټصدمت من صړيخي زي ما هي اټصدمت بس مسكتش وقمت زقيتها برا وقفلت على نفسي وانهرت عمري ما عاملتها وحش وعلى الرغم من كرهها ليا إلا إني كنت بحترمها دايما وبعملها ألف حساب بس بجد خلاص معتش قادرة..
يونس رد عليا
كنت هعيط بسبب تجاهله ليا يونس دا حبيبي وزعله كبير على قلبي أوي..
بخنقة يونس عشان خاطري رد
نفخ عايزة إيه!
أنا آسفة
مردش عليا فاترميت في حضنه مرة واحدة وبكيت وهو شوية ولقيته ضمني وبدأ يطبطب عليا..
أنا آسفة والله أنا مكنش قصدي حاجة أنا بس.. كنت عايزة..
خلاص كفاية حصل خير
عياطي زاد وهو اتنهد بتعب وفضل يهديني!
بتعملي
: أيه!
بعمل الغدا يا ماما
طب اعملي حسابك إن اخوات يونس جايين النهاردة
اټصدمت ايه! جايين! طب مقلتليش ليه من بدري!! هعمل إيه دلوقتي
زعقت مرة واحدة معرفش يختي اتصرفي
سابتني وطلعت وأنا وقفت مش عارفة أعمل إيه الدموع اتجمعت في عيوني وكنت هعيط بس مسكت نفسي لازم أتصرف..
طلعت لحمة من الديب فريزر وحطيتها تحت المياه عشان تفك وبدأت أجهز بقية الأكل بسرعة..
تسلم إيدك يا أسماء أكلك طعمه يجنن
تسلميلي يا سميرة
بقرف ما بلاش مبالغة طعمه عادي يعني
الكل سكت وأنا اتنهدت ورجعت أكمل أكلي بهدوء بصيت للتليفون واتضايقت أكتر لما لقيت الساعة عدت سبعة ويونس لسة مرجعش مش معقولة كل التأخير دا هو مش عارف إن

جايين ولا إيه!
بعد إذنكوا هرن على يونس أشوفه اتأخر ليه وهاجي
استأذنت وقمت أشوفه وأنا خاېفة يكون حصله حاجة..
هو مش بيرد ليه!!
انتي كويسة يا أسماء
بړعب يونس.. مش بيرد
يا حبيبتي اهدي ممكن يكون تليفونه صامت ولا حاجة
بصتلها پخوف وهي حاولت تطمني شوية ولقيته رن عليا من تاني فرديت بسرعة
كنت فين!
التليفون كان صامت يا أسماء
قلقتني عليك
مټخافيش يا سمكة أنا في السكة أهو مش هتأخر وهاجي
تيجي بالسلامة يا حبيبي يلا.. لا إله إلا الله
محمد رسول الله
قفلت واتنهدت براحة وللحظة نسيت نفسي وابتسمت زي ما أكون مراهقة لسة قلبي بيدق مع كلامه..
على ضحك سميرة فاتوترت
احم سميرة
بضحك قلب سميرة لا دا يونس مأثر عليكي أوي يعني
اتكسفت ومردتش وهي ابتسمت..
ربنا يصلح حالكوا يا حبيبتي.. ويبعد عنكوا شړ أمه
اتنهدت وآمنت على دعائها في سري ربنا يهديها ويحنن قلبها عليا شوية..
الأكل كان طعمه حلو تسلم إيدك
حبيبي تسلملي
بس..
كويس إني لاقيتك هنا بقى يرضيك اللي مراتك عملته!!
أنا! وأنا عملت إيه!!
أسمااء
سكت لما اتكلم بصوت عالي وهي على طول بدأت تتكلم..
بقى يا بني يرضيك عشان نسيت أقولها من بدري إن إخواتك جايين وقلتلها متأخر شوية تقوم المحروسة معلية صوتها عليا!!
پصدمة أنا عليت صوتي عليكي!
هتكذبي ولا إيه!
مكنتش عارفة أفكر مكنتش عارفة أستوعب كلامها أصلا أنا إمتى عملت كدا!..
بصيت ل يونس وهزيت راسي بلأ وهو بصلي كتير وبعدين اتكلم..
اعتذري ل أمي يا أسماء
نعم!
اتنهد بقول اعتذري
تنحت لثواني بس اتراجعت خطوة وبثبات
وأنا مش غلطانة عشان أعتذر يا يونس
بتحذير أسماء
بخنقة أنا مغلطش في والدتك عشان أعتذر ف انسى إني أعتذر
زعقت شايف بجاحتها وقلة أدبها!!
زعقت أنا كمان أنا مش قليلة الأدب
أسماااء وطي صوتك وانتي بتتكلمي
سكت ودموعي اتجمعت في عنيا پقهر وهو بص لأمه وبصلي و..
اطلعي جهزي هدومك
ليه!
هاخدك ترتاحي يومين عند مامتك وهبقى أعدي عليكي تاني أجيبك
ابتسامتها الشمتانة فيا وبصراحة.. قلبي وجعني أوي من كلامه عمر الأمور ما وصلت بينا ل كدا يااارب كفاية كدا هعمل إيه بس!
انت بجد هتوديني عند بابا!
بجمود أيوا جهزي نفسك يلا
انت مش بتهزر يا يونس!
ساب تليفونه اللي كان بيقلب فيه على حاجة لا مش بهزر يا أسماء ممكن تخلصي!
بخنقة كل دا عشانها!
بضيق دي أمي يا أسماء أمي
وأنا مراتك
بعد وشه وأنا دموعي نزلت بس كفاية لحد كدا..
طلقني يا يونس
إيه!
بابتسامة إيه! انت مش كنت بتهددني من كام إسبوع إني لو جيت على مامتك تاني هتطلقني! أنا بقولك طلقني
نفخ أسماء مش ناقصة جنان على المسا اخلصي جهزي هدومك وكلهم يومين وهترجعي
وأنا مش عايزة أرجع تاني أنا عايزة أتطلق
مردش واكتفى بإنه يسيبني ويمشي بس أنا رحت وراه وشديته جامد وزعقت في وشه..
بقولك طلقني بقى انت إيه! مش بتحس
مردش عليا وحاول يتمالك أعصابه أنا عارفة إني حاليا بلعب پالنار بس معتش فارقة أنا جبت أخري..
فضل ساكت: فضغطت عليه بآخر سلاح معايا..
طلقني وإلا أقسم بالله.. من بكرة ل ترجع وتلاقي أمك الحلوة دي بتمسح سلالم البيت
بصلي پصدمة بذهول بۏجع بس مهتمتش بكل دا وعيدت طلبي من تاني..
طلقني يا يونس
انتي.. طالق
ابتسمت ورحت للدولاب وبدأت ألم هدومي بابتسامة ودموعي بتنزل بصمت فضل واقف بيبصلي پصدمة مش مصدق اللي عمله بس كدا أحسن أنا كنت بحبه وكان ممكن أستحمل مامته وأشيلها على دماغي لو كنت حسيت بشوية دعم منه بس أنا كنت بحارب وهو كان بيكتفي ب إنه يلومني على كل حاجة عشان يراضيها!
…..
ينهار أسود اتطلقتي!!
بابتسامة أيوا

ليه!
انتي اتخبطتي على دماغك ولا حاجة يا أسماء! دا يونس!
مكنش يستحق مجرد إنه مكنش يستحق
خلصت كلامي وسيبتهم ودخلت أوضتي عشان ارتاح شوية وأنا متأكدة إنهم لسة متخطوش صدمة طلاقي المفاجئ!
بصيت على صورة ليا أنا وهو محطوطة على الكومودينو اللي جنب السرير وشبح ابتسامة ظهر على وشي قربت من الصورة وبصيت فيها شوية وبهدوء شيلتها وحطيتها في الدرج وقفلت عليها..
يونس انتهى! التعب انتهى!
لحظات استوعبت فيهم الموقف ومرة واحدة اڼهارت لو كان بس.. حسسني إني مش الوحيدة اللي بحارب في العلاقة دي كان زمان كل حاجة اختلفت!
عياطي زاد وانهرت تماما وأنا بستوعب إن يونس خلاص اختفى..
هتاكلي
منا باكل أهو
أسماء
نعم يا بابا
يونس.. عايز يرجعلك يا بنتي
بابتسامة وهدوء قوله لا
بس يا بنتي..
أرجوكي يا ماما متضغطيش عليا
ماما سكتت

بيأس وأنا كملت أكلي بابتسامة لسة بحنله وبشتاقله بس مش هتنازل تاني.. أبدا ولو كان على حساب قلبى اللي نفسه يشوفه بس!
ولم يكن فراقك هين ولكنه كان أمرا محتوما!
الجزء_2
مش هتروح تجيب مراتك بقى! تلاقيها اتربت وعرفت غلطها
كان قاعد بيلعب في طبقه من غير ما ياكل لسة مقالش لمامته إنه طلقها هو لسة مش مستوعب أصلا إنه طلقها..
يونس
نعم!
ياابني بكلمك من بدري مش هتروح تجيب مراتك تشيل عني شوية بقى!
طلقت أسماء
أمه شهقت وضړبت على صدرها..
طلقتها بجد!
بزهق أيوا طلقتها أنا رايح أنام
سابها ومشى وهي قعدت مش عارفة تفكر معقولة يونس طلق أسماء!!..
بټعيطي ليه! هو مش الطلاق كان اختيارك برضه!
اترميت في حضنها وعياطي زاد قلبي واجعني بس مش عارفة أعمل ايه..
طبطبت عليا يا حبيبتي إديله فرصة هو لسة عايزك وبيقول لو موافقة هيردك
اتنفضت مرة واحدة مرة وزعقت..
وأنا مش عايزاه ومن بكرة عايزة ورقتي تجيلي
يا بنتي استهدي بالله انتي لسة صغيرة على لقب مطلقة دا
پقهر أبقى مطلقة ولا إني أرجعله تاني كفاية بقى كفااية
صوتي على من غير قصد وهي حاولت تحضني وتهديني معتش قادرة أسمع كلامهم الكل عايزني أرجعله تاني أرجعله إزاي وليه!..
عالي ليه!
مقدرتش أرد عليه بس عياطي زاد أوي قرب مني وقعد قصادي واتنهد..
أسماء.. احنا مش هنجبرك على حاجة يونس لسة شاريكي لو عايزاه..
هزيت راسي بنفي لا لا مش عايزاه مش عايزة أرجلعه
حضڼ وشي بإيديه خلاص يا حبيبتي خلاص.. مش هترجعيله
خدني في حضنه وأنا اتنهدت بتعب صحيح مفيش سند من بعد الأب وبابا طول عمره ونعم السند..
يونس
أفندم!
رد بزهق ورمي نفسه على الكنبة ومامته راحت قعدت جنبه..
يا حبيبي هو انت بجد طلقتها!
بصوت عالي هو مش دا اللي انتي كنتي عايزاه! أديني طلقتها وخلصتك من قرفها
أمه واقفة مش عارفة ترد عمرها ما حبت أسماء فعلا بس كسرة ابنها دي مش قادرة تشوفها وقفت ثواني تستوعب الموقف ومرة ولحدة قربت منه وقعدت جنبه..
بثبات خلاص في داهية راحت واحدة ييجي غيرها عشرة من بكرة تبعتلها ورقتها وأنا بنفسي هخطبلك ستها
يونس بصلها بۏجع بس هي طبطبت عليه..
ان: عملت الصح البت دي متستاهلش ضفرك
يونس هز راسه بتوهان وسكت وأمه شوية وابتسامة كبيرة اترسمت على وشها.. أخيرا خلصت من أسماء!..
يونس بعتلك ورقتك
هزيت راسي وسكت كدا كل حاجة انتهت!
أسماء
بابتسامة باهتة أنا هقوم أرتاح شوية
سبته ودخلت أوضتي قفلت على نفسي ورحت ناحية الدولاب فتحته وطلعت منه هدومي.. الهدوم اللي كان جايبهالي البرفانات كل حاجة كان ليها علاقة بيه طلعتها حطيتهم في الأرض ووقفت أبصلهم باستهزاء ياااه.. مين كان يصدق إن حكايتنا هتخلص كدا!
بصيت للكوم اللي اتعمل ومرة واحدة رحت فتحت الباب بصيت لبابا وماما اللي كانوا واقفين ورا الباب بقلق خايفيني أعمل حاجة في نفسي وابتسمت..

أحرق الحاجات دي
بصوا للي جوا الأوضة ولقيت ماما دمعت كانت هتحضني بس أنا رجعت خطوة..
بثبات عايزة أحرقهم أو أرميهم.. معتش عايزة أفتكره
حاضر يا حبيبتي هرميهم
هزيت راسي و..
هنام في الأوضة التانية.. عقبال ما ترميهم
سبتهم ورحت أوضة الضيوف عشان أنام فيها أنا مش شخصية قوية أوي بس أنا فاض بيا الكيل!..
في ايه يا ماما! جايباني من الشغل على ملا وشي ليه!
بابتسامة لقيتلك عروسة إنما اييه لوز
يونس بصلها وخد نفس طويل بقى كل دا عشان لاقتله عروسة!!
يا أمي أنا ورايا شغل و..
وقفت وبتزقه على فوق شغل إيه وبتاع إيه يواد بقولك جيبالك عروسة تقولي شغل اطلع غير وانزلي بسرعة
فعلا وهي وقفت تبصله بابتسامة غريبة..
وحياتك لأحرق قلبك وأندمك يا أسماء!
مش هتقولها!
مش لاز..
مش عايزين تقولولي إيه!
الاتنين سكتوا وأنا بصتلهم وضيقت عنيا بهزار..
دا سر حربي ولا إيه!
يونس اتجوز
اتجمدت ومعرفتش أرد أنا لسة منسيتهوش.. بس متوقعتش إني هتوجع أوي كدا لما أسمع حاجة زي دي..
مبروك
أسماء يا حبيبتي متزعليش نفسك
ابتسمت وانتي مين قالك إني زعلانة!.. ربنا يباركلهم ويرزقهم بالذرية الصالحة
ماما طبطبت عليا من سكات هي عارفة إني اتوجعت بسبب الخبر دا بس أنا بجد مش بتمناله الۏحش..
يارب يقدر يحبها ويارب هي تكون أوعى مني وتعرف توقف أمه عند حدها..
ناوية تقابلي حد من العرسان اللي اتقدمولك بقى! يا بنتي انسيه وعيشي حياتك زي ما هو نساكي
أنا نسيته على فكرة وعايشة حياتي أهو
لا
منسيتيهوش يا أسماء
بزهق ماما بالله عليكي أنا مش ناقصة بصي.. أنا هقوم أخرج شوية كدا عشان أعرف أفكر برواقة وأخلص الشغل اللي ورايا
مستنتش ردها وقمت أخدت اللاب بتاعي والورق اللي محتاجاه وعدلت طرحتي وهدومي وخرجت رجعت لشغلي اللي كنت سيبته عشانه من أسبوعين.. أنا بدأت أفوق لنفسي.. لسة موجوعة بس بفوق!..
رحت لحديقة فاضية قريبة من البيت وقعدت بحاجتي في جنب بعيد كان مكاني المفضل واللي هجرته من ساعة ما اتجوزت..
أشتغل بحماس وشوية ووقفت شغل عشان أرتاح مسكت الفون وبقلب فيه شوية لقيت كام صورة ليه.. لحد امتى هيفضل يطاردني بذكرياته!
مسحت الصور واتأكدت إني حذفت كل حاجة تخصه من التليفون وبعديت فتحت فيس.. شوية ولقيت رسالة غريبة جيالي..
تبسمي فالحزن لا يليق بعيناك
بصيت حواليا بړعب مين بيراقبني! وجاب رقمي منين!
بلعت ريقي پخوف ولقيتني مرة واحدة بلم حاجتي وبجري على البيت..
ممكن كلمتين بسرعة
اتفضلي يا سميرة في ايه! عمرو أخويا عملك حاجة!
بتوتر بصراحة الموضوع مش بخصوصي.. الموضوع بخصوصك انت وأسماء
سميرة لو سمحتي..
يونس أرجوك اسمعني.. كلامي ممكن يكون جه متأخر بس صدقني انت ظلمت أسماء أوي.. مامتك مش ملاك وآسفة عشان بقول كدا بس انت بجد مش شايف حاجة أسماء كانت بتحبك وانت ومامتك جيتوا عليها..
انتي بتقوليلي كل دا ليه! أسماء كانت غلطانة هي اللي كانت بتطول لسانها على أمي.. وكانت على طول بتتشاكل معاها

متابعة القراء
قاطعته بقى بذمتك أسماء بتاعة مشاكل! أسماء اللي كانت بتبقى شايلانا كلنا في رمش عينيها لو جينا زرناكوا هتعمل كدا! أسماء اللي سابت كل حياتها علشانك يا يونس ممكن تعمل كدا! دنا كنت مفكرة إنك عارفها أكتر مننا.. وحتى لو كانت بتتشاكل انت المفروض كنت تفصلهم عن بعض ياخي على الاقل كنت اسمع من مراتك.. انما انت استستهلت انك ترمي ودانك لمامتك وتيجي دايما على أسماء
بعند أنا كنت ببر أمي
بانفعال متخلطش الأمور ببعضها يا يونس برك لوالدتك دا انت المسؤول عنه مش هي.. مينفعش تيجي على مراتك عشان تبر بوالدتك دا واجب عليك انت مش عليها.. انت.. انا مش عارفة أقولك ايه بس انت بجد خسړت كتير أوي

سكت وبدأ يقلب كلامها في دماغه.. أسماء مسالمة جدا فعلا ملهاش في الخناقات ولا الزعيق ولا بتحب الأصوات العالية والأجواء المتوترة..
حس إن في غمامة بدأت تنزاح من قدامه وفجأة ظهر سؤال قدامه.. هل هو فعلا ظلمها!!
بص لسميرة بتيه وهي ابتسمت بتعب..
كلنا زعلنا عليها وأنا مقدرتش أسكت.. لو مش عايز تصدقني براحتك بس أنا واثقة ان مامتك هي الللي افترت عليها وصدقني.. حتى انت هتشيل ذنبها
سابته ومشت وهو فضل واقف مكانه شوية بعدين قرر يروح.. لازم يتكلم مع والدته.. لازم!
ما تنضفي كويس يا بت انتي
هاجر بصت حواليها كويس وأول ما اتأكدت إن يونس مش موجود اتعدلت ورمت المكنسة..
بقولك إيه يا حيلتها أنا مش جاية أخدمك هنا.. انتي تحمدي ربنا عشان بنزل أساعدك أكتر من كدا أقسم بالله أقلب عليكي وعلى ابنك وما هسكت غير لما ياخدلي شقة لوحدي
زعقت انتي عايزة تقلبي ابني عليا ولا إيه! وبعدين انتي فاكرة إنك هتقدري تعملي حاجة!
لا هقدر وهقدر أوي.. ولو مكنش هيعملي اللي أنا عايزاه عشاني فهيكون عشان اللي في بطني
پصدمة انتي حامل!
بزهو لسة بس قريب هيحصل
نجاة واقفة مش عارفة تستوعب كلامها ولا تفهم إيه سر الثقة اللي بتتكلم بيها دي بس مرة واحدة ثارت إزاي عايزة تبعد عنها ابنها! دي افترت على أسماء وطلعت فيها العبر لمجرد إنها حست إنها بتبعد عنها ابنها على آخر الزمن هتيجي دي وهتاخده منها!!
وانتي فكرك انك حتى لو قلتيله يونس هيخرج عن طوعي! يونس ابني وزي ما ضحكت عليه وطلعت مراته الأولانية بت ك لب قدامه وخليته يطلقها هخليه يطلقك يختي
ضحكتي عليا!!
الاتنين بصوا ل يونس اللي وقف بيبص لأمه پصدمة ونجاة قربت منه بسرعة بتحاول تبرر موقفها..
يونس أنا مكنش قصدي.. صدقني أنا..
ضحكتي عليا! يعني ظلمتي أسماء! انتي.. انتي إزاي تعملي فيا كدا! أنا..
يونس.. أنا كنت عايزة مصلحتك
ضحك بۏجع مصلحتي! انتي خليتيني أطلق أسماء.. خلتيني أطلق.. انتي.. أنا بكرهك
سابها ومشى وهي دموعها نزلت هاجر بصتلها بقرف و..
بقى

وكفاية أذية
هاجر رمت جملتها وطلعت ورا جوزها ونجاة فضلت مكانها مش قادرة تصدق اللي ابنها قاله..
بصت حوالها بتيه وقعدت مكانها بعجز هي بقت لوحدها.. لوحدها!
يونس
ضحك أنا طلقتها.. خلتني أصدق إنها شيطانة وخلتني أطلقها
بضيق مش هتنساها بقى!
يونس بصلها وهز راسه بنفي ومرة واحدة سابها وطلع يجري على برة وهاجر واقفة مش عارفة هو رايح على فين..
أعلم أني لم أستحقك يوما فلما الندم الآن!
أرجوكي إديني فرصة تانية
كنت واقفة مصډومة متجمدة مش عارفة أتكلم.. يونس هنا.. يونس هنا!!..
راجع ليه تاني!
عشان لسة بحبك أسماء أرجوكي.. كمل بلهفة أنا اللي كنت براقبك الفترة اللي فاتت أنا اللي بعتلك الرسايل أسماء.. أرجوكي إديني فرصة
يونس.. أنا اتخطبت
بصلي پصدمة
واتراجع كام خطوة..
اتخطبتي!
أيوا
انتي بتهزري!
بتعملي ايه برا! يونس!!!
أسماء متخطبتش بجد صح!!
ماما سكتت وهو هز راسه بنفي واتراجع پصدمة هو جه وطلب يفهم كل حاجة مش عارفة ليه طلب يفهم دلوقتي بس أنا قلتله صدمني بعدها بطلبه اننا نرجع لبعض بس لا.. مش تاني يا يونس.. مش هغلط تاني..
أسماء.. أرجوكي قولي انك بتهزري
يونس أرجوك انت.. ارجع لمراتك وسيبني في حالي بقى
بصلي وسكت وأنا كررت كلامي..
ارجع لمراتك متظلمهاش
قلت كدا وسيبته واقف مع ماما ودخلت طلعت أوضتي وخدت نفس طوييل لأول مره أحس إني تخلصت من بقايا ذكرياتنا.. أول مرة أحس براحة من ساعة اللي حصل.. ممكن عشان برأت نفسي قدامه وبقيت واثقة إنه عارف الحقيقة!!.. المهم إني ارتحت..
عملتي كدا ليه!
ايه!
قلتيله انك مخطوبة ليه!
عشان ميسيبش مراته

نفسك ليه!
ابتسمت أنا بفوق لنفسي.. مش عايزة راجل في حياتي وهو لازم ينتبه لبيته وميهدهوش.. أنا مش هقدر أرجعله ولا هقدر أدخل في علاقة جديدة فسيبيني أهتم بنفسي أنا.. سيبيني أكون نفسي
ابتسمت ومسكت إيديا بدعم وأنا جنبك.. كلنا جنبك انتي صح.. كفاية تعب
ابتسمت كفاية ۏجع
بتأكيد كفاية ۏجع
ابتسمت ورميت نفسي في حضنها دعمها مقويني ودا مخليني مكتفية بنفسي!..
بالنسبة للبعض يمكن قراري مكنش الصح بس أنا شايفة إني كدا خلاص.. لا أصلح _على الأقل دلوقتي_ لإني أعمل حاجة غير إني أرجع أبني نفسي من تاني..
يونس دخل شقته اتفاجئ بهاجر قاعدة وجنبها شنطة هدومها..
رايحة.. فين!
وقفت عايزة أروح لماما
بهمس يونس
بعد مش هعرف أشرح حاجة.. بس صدقيني أنا محتاجك جنبي
ابتسمت وأنا هنا
ابتسم وهز راسه هزة خفيفة وهي ابتسمت وحضنته طبطب عليها واتنهد.. مش لازم يظلمها حتى لو كان قلبه مع أسماء.. ف هاجر متستاهلش إنه يظلمها! لازم يفوق..
عملتي اللي في دماغك وروحتي عزيتيه فيها!
بزهق عادي يا ماما وبعدين دي كانت حماتي في فترة في حياتي
اتنهدت وهو عامل إيه!
ابتسمت كويس.. هاجر سانداه
مش كنتي تشوفي اللي يسندك انتي كمان
ابتسمت مانتو موجودين وبعدين بنتك جامدة اوي ومش محتاجة حد
ضحكت ماشي يا قادرة
مساء الخير
ازيك يا بابا!
الحمد لله يا حبيبي عاملة ايه يا ام أسماء
الحمد لله يا حج
أسيبكوا أنا بقى
ضحك تعالي يا لمضة اقعدي
أسماء راحت قعدت قصاد باباها و..
متقدملك عريس.. واعملي حسابك انك هتقعدي معاه يعني هتقعدي معاه
بابتسامة حاضر
ايدا بجد!
ضحكت اه والله.. هييجي النهاردة!
على الساعة 9
هقوم أجهز نفسي بقى
سبتهم وطلعت أوضتي أختار حاجة ألبسها.. خدت فستان أزرق بحبه وفوقه خمار أوف وايت وحطيتهم على السرير بصيتلهم بابتسامة وحسيت براحة غريبة مش مصدقة إني هبدأ الټفت لحياتي من تاني.. سبع شهور عدوا عليا رجعت فيهم لنفسي من تاني وحقيقي فخورة بنفسي عشان هاخد الخطوة دي..
900
أنا إبراهيم عندي 27 سنة دكتور أطفال وشغال في مستشفى ال مرتبي كويس و..
أنا مطلقة
عارف وعارف عنك كل حاجة ومټخافيش من ناحيتي ومن ناحية عيلتي برضه تمام كلهم موافقين
بتوتر هو.. لو حصل نصيب يعني.. هنعيش فين!
بتوتر لو مش هيضايقك فأنا متفق مع والدي إني هاخد شقة برا بيت العيلة انتي مش تايهة عن كمية المشاكل اللي بتتسمع عن الحوارات دي وأنا مش حابب نختلف بسبب حد من الأهل.. بس لو حابة تقعدي في..
نقعد برا أحسن
ابتسم وبدأ يتكلم عن نفسه أكتر باستفاضة وأنا ببتسم أكتر وأكتر.. ارتحتله أوي ارتحتله لدرجة أنا مش مصدقاها..
بارك الله لكما وبارك عليكما وجمع بينكما في خير
قرب ووقف
بهمس يا حلم شهور انتي
أنا!
ياااه لو تعرفي عن اللي عانيته
بعدت شوية وكشرت وهو ضحك..
متكشريش كدا دي كانت مرة اللي شفتك فيها.. كنتي قاعدة
جنينة قريبة من بيتكوا بتشتغلي.. ڠصب عني سرحت فيكي فقت عليكي وانتي بتهربي على بيتك ومعرفش من إيه وفي ساعتها لقيتني رايح أتقدملك عرفت بعدها انك.. منفصلة ومع اني كنت حاسس ان اهلي ممكن يعترضوا الا اني قلتلهم برضه ومن لطف ربنا ان محدش اعترض بس انتي موافقتيش وغلبتيني بس فضلت وراكي وكنت واثق إن ربنا هينعم عليا برضاكي والحمد لله.. حلمي اتحقق وبقيتي بيني إيديا
كان بيتكلم بحنان بحب بلطف دوب قلبي.. هو أنا بجد ينفع أحبه!..
قرب مني وهمسلي..
وكنت حلما جاهدت لتحقيقه فارتجف قلبي لدى رؤيتي أظفر بك فأنا المتيم بعيناك.. فهلا مننت علي بالرضا!
خطڤ قلبي ابن الإيه جماعة أنا حبيته!.. أيعقل!
تم
حابة أشكركوا كلكوا على تفاعلكم القمر بجد
بالله حبيتكوا كلكوا
ومعلش لو كنت اتلغبطت في الجزء الأول وكتبت نوح بدل يونس في بعض المواضع
وأخيرا بتمنى الجزء دا يعجبكوا
ومعلش لو كنت زعلت الناس اللي طلبوا انهم يرجعوا لبعض بس أنا شايفة إنه مكانش هينفع الحب مش بيغفر كل حاجة يا جماعة ومينفعش الواحدة تسكت وتيجي على نفسها عشان بتحب وخصوصا إذا كان الزوج زي حالة يونس رامي ودنه لمامته ومبيسمعش لغيرها فآسفة تاني وأتمنى تعجبكم النهاية دي
حكاوي_يونس